வெல்ல போறேன் பார்த்து போ …!
இரவும் இனி அகலும்
இந்த இதயம் இனி மகிழும்
வரும் காலம் ஆளும்
வாழ்வு தேறி பாடும்
பட்ட துயர் எல்லாம்
பாதியிலே போகும்
பகல் இரவு தூங்கா
பல சாதனைகள் பதிக்கும்
இழிந்தார் நா வெல்லம்
இன்று இனி கிழியும்
இந்த வாழ்வை எண்ணி
இவர் இதயம் வியக்கும்
எனக்கான சாலையை
ஏய் நானும் போடவா
ஏறி நாளும் போகவே
எழுந்து நீ பார்க்க வா
நான்ங்காண்டு கடும் பயிற்சி
நாள் ஒன்றை தந்தது
நான் ஆள நாள் ஒன்று
நலமோடு பிறந்தது
பெருக்கெடுத்த கண்ணீரும்
பெரும் துயர் வலியும்
இங்கு இனி கலையும்
இதயம் தினம் மகிழும்
என்னை போல வாழ்ந்தாரை
ஏற்றி நானும் வைப்பேனே
எழுதி விதி வைத்து
என்னை போல மகிழ்வாரே ..!
வன்னி மைந்தன்
ஆக்கம் 10-02-2022