முள்ளி வாய்க்கால் அழுகிறது …!

முள்ளி வாய்க்கால் அழுகிறது …!

எழுந்து நடந்த தமிழன் இன்று
விழுந்து முறிந்த நாள் …
ஏறி வந்த குண்டு தைத்து
எரிந்து விழுந்த நாள் …..

அழுகுரல்கள் வான் அதிர
அகதியான நாள் ….
அழுத விழி குத்தி – பகைவன்
ஆடி மகிழ்ந்த நாள் …..

உயிர் குடித்து சிங்களவன்
உலவி திரிந்த நாள் …..
உளம் வலிக்க உடல் வலிக்க
உயிர் பிழிந்த நாள் ….

கைதொழுதும் கண்டு கொள்ளா – உலகு
கண்ணுறைந்த நாள் ……
கை தொழுத புலிகள் பலம்
கால் முறிந்த நாள் …..

விண்ணதிர எழுந்த தமிழ்
விசை இழந்த நாள் ….
முள்ளி வாய்க்கால் முள்ளாய் குற்ற
முனகி எழும் நாள் …!

வன்னி மைந்தன் – ( ஜெகன் )
ஆக்கம் -17/05/2019